Admin
Admin
عدد الرسائل : 150
تاريخ التسجيل : 28/12/2008
 | موضوع: "يا بــوي خلوني على كيفي اختــار"  الجمعة فبراير 13, 2009 2:45 am | |
|
يا بــوي خلوني على كيفي اختــار...يا بوي هذا العرس ما به غصيبه
يا بــوي لا ترمون قلبي على النار...وتصير بكره يا جماعـــه مصيبــه
يا بــوي انا اللي عارفه كل الأسرار...قلبي وانا ادرى في دواه وطبيبه
يا بــوي انا مليت من كثر الأشوار...والموت من شور القريب لقريبه
يبه .. يبه،، يا مكرم الضيف والجار...يا سيدي يا تاج قلبي وحبيبــه
لو شفت دمعتي تالي الليل مدرار...النوم حاربني وانا له حرييبـــه
في خاطري هم وهواجيس وافكار...ما جابت الورقه من النوح اجيبه
الله يعين اللي من الهم محتـــار...أعيش في دنياي مثل الغريبه
الحلم الأول مات يا بوي وانهـــار...ذبحت حلمي ليه والله عجيبـــه!
يا بوي زاد بي الهم ضاقت بي الدار...صارت حياتي يا حياتي صعيبه
وشعاد لو في غرفتي ورد وازهار...أشوفها يا بوي مثلي كئـــيبه
يــا تاج راســـي لا تحملني اوزار...تكفى طلبتــك لا تزيد المصيبــه
| |
|
